遠古玩家分享依幾年玩天龍既一點一滴 - Part 2

wind_xo

多謝各位俾面，上一篇反應幾好，在下左諗右諗，終於整理好少少跟住落黎既經歷。由於事件比較近期，可能會比較悶。如果大家唔啱睇，敬請飛左佢唔睇，THX

上回講到，由於低攻既關係，我由一隻少林轉左去做一隻逍遙。
當中遇到唔少貴人，幫我慢慢由4X級升上去8X級。

80組既我，係得到上面幾個既幫忙，已經唔算係菜鳥一枚。身上開始有幾粒3紅寶，4貓眼同3火攻。依稀記得我未到82級，把82神已經做好，比起之前快左好多 (亦都可能係多左人刷5符既關係)。

果時好似有成5 - 6隊80組經常刷5符，要搵組算係比較容易。

因為有左一班fd一齊刷任，我刷既任比以前多左，除左3環之外，我開始走去刷燕子同4絕，為既係神兵符，星屑同經驗。

果時刷燕真係好易死。
因為唔識跳船同唔識路，好幾次人地打完我都未去到隻錢XX度，差D 連支藥都執唔到。
因為無冰抗又唔識計時(第1次刷係0冰抗)，可以刷3場死3次，每次都要師弟不停救我。


不過能夠刷到燕我真係幾開心，畢竟果時刷到既組少之又少，完到任某程度上算係一種實力既認證。

果時刷4絕又係好易死，好記得果時係女神教我地點刷4絕。佢亦都算係第1個會有d 11X級既人同組刷既任，佢俾我見識到，所謂既高石人可以點令一個要用一個鐘先刷得晒既3場4絕，縮短到大半個鐘就完工。
所以果時我地招人，會特登講明依組係80組，免得有D 高人入左黎又走。
因為唔識走位，刷4絕成日俾第一,二隻王d 陷阱炸到無血。
因為唔識用寵打鐘，全組點都會留個位俾外攻人入等佢去打(雖則唔係個個都識打，我隻少林都學左幾次先識得收寵隱身去打)。
又為左慳錢，果時同D朋友仔好多時都係只刷2場，不過都要刷成大半個鐘咁濟。


刷親依2個任真係一步一驚心。雖然係咁，但大家齊齊頂硬上去完任果種感覺真係好好。
燕子有神兵符同星屑，久唔久就會去刷。
而4絕既經驗就實在可觀，對於一個就算有買掛但唔可以掛通宵既我黎講實在好吸引，所以每日4絕成為左我既習慣，直到依家都係。

(最經典既係，之後有次我招人小飄，到齊人入既時候，有D 組員先話以為我地去4絕。我問點解，佢地話原來我出左名打4絕，一見我個名就以為係4絕，我果刻真係O左嘴)

80組既經歷大致去到依家，如果有人睇先再繼續寫

∼香Ｂ∼

哈哈..可惜你唔係跟我刷副本...我既副本團係懶人團..會有專人組跟 唔洗郁

wind_xo

多謝版主先。

其實呢，我地都有懶人團架，不過負責拉隊既好多時都係我