遠古玩家分享依幾年玩天龍既一點一滴

wind_xo

我又黎繼續推下帖先

依班朋友裏面最令我印象深刻既以下幾位 (當然仲有好多啦，恕我不能盡錄，如果無寫到你我講定SORRY先)
1 X 80組就5石既逍遙明教夫婦
1 X 80組就5石既逍遙女神(我叫佢頭目)
(+ N X 佢地D 4/5石FD)
2 X 曾經係明教既女ec
1 X 曾經係少林既女ec
1 X 依家我都仲係同佢成日刷任， 曾經係ec既女天龍。我對佢地既印象實在好深刻，就以果對夫婦以例， 除左因為佢地80組已經5石外(果時1粒5石應該要5千寶以上，好佩服佢地用咁多錢黎上石)， 果位明教原來係我中學既師弟 -.-! 無諗到我果間所謂既英中都會有人好似我咁鐘意打機。

我好多時都會請教佢地， 譬如逍遙應該用咩裝， 點上石， 點刷任等等，佢地都好詳細咁解釋俾我聽，所以當佢地話要起幫會既時候， 我就踢左我隻少林入去幫手跑商。

(其實果下我有擔心過佢地搞唔搞得黎，畢竟之前果個位幫主就係同副幫傾唔掂，結果不歡而散)

至於果位5石逍遙女神都算係另一個傳奇， 一般高石人都係心高氣傲， 但係佢一d 都無， 同佢刷任係好舒服。不過亦因為佢高石， 每次同佢刷任都會見到佢係咁俾人問幾石幾石， 問到作為旁觀者既我都頂唔順。

仲好記得有1次刷3環，有個男既新手(佢自認新手)係咁問頭目佢幾石，幾攻，又問佢有無fd之類 (確實問左d 咩唔係好記得，剩係記得我係度"食緊花生"，XDDDD)。

佢由1環222問到2環222都未完，問到最後其他組員同我都頂唔順，開始插話，下面好似係果時既對話 (內容應該有少少出入):

男新手: 女神你幾石?
頭目:　．．．．．．（無答）
男新手: (應該睇完佢D裝) 你5石好強啊，可唔可以做個ＦＤ？
頭目:　．．．．．．（無答）
男新手: 我啱啱開始玩，個名太奇怪，無FD,好想識D FD黎一齊刷任
頭目:　．．．．．．（繼續無答）
男新手: 你咁高石應該好出名，你有無FD 架? 係唔係成日刷任?

佢係咁問，我地依D 旁觀者真係越睇越好笑。 同組既EC同我都頂唔順，搶先答左佢: 我咪佢個FD LAW

男新手: 哦 (可能佢無諗到我地會咁答佢)
我又繼續講: 其實呢，你上7石既話都會好出名架 (果時D 5石都講緊5千寶1粒)。
男新手: 7石又點? 我個名咁怪，無人+ FD
我: 個名你自己起架喎，點解怪?
點知佢話: 我個名係FD 幫我起，唔係我自己捒

我即時吐血.....
連個名都要FD幫你起，起完又唔鐘意，咁要黎做咩?

可能佢知道自己問得太多，而且個任都就完，所以餘下既果幾環佢都無再點出聲。
依位"新手"之後都仲有刷任，而且升得幾快，唔知係唔係轉左手定係突然開竅??

至於另外果幾位，佢地同我之間既故事太多，多到我都唔知點寫，所以決定飛開唔寫 (其實係因為再寫可能大家已經估到我係邊個, XDDDDD)



未完待續

cth45678910

回復 49# wind_xo

低lv用環先好玩
-會防 打ec一流

ahwing007

以前燕侯裝係我心目中已經係神裝