我唔覺得係29太多令到aoc沒落
根本隻game太耐, 遊戲系統已經落伍
bobby你有咁好心機耐性去研究aoc係好勁,我都好佩服你
但唔代表你做到既野其他人都一樣做到,或者會肯去咁做,認為值得去咁做
隻game最優勝既地方係拎打仗黎做主題, 岩男仔口味
而且兵種相剋都做得唔錯(大致上都平衡)
仲要有成廿個曾風靡世界既文明俾玩家選擇
佢係主題上勝利先會仲有人玩
唔會膠到有「打怪」呢樣野,頂盡係得幾隻狼,豬等既動物
但係佢既遊戲系統真係落哂伍,尤其係整劇情方面,簡直麻煩到不行
好多效果都整唔到,又無得自立英雄頭像不能滿足玩家既「英雄主義」,頂盡係改隻兵個名
將觸發套用到所有玩家身上係AOKTS出現之後先做到, 無果陣真係煩到喊
其他效果例如大範圍攻擊、補血技、爆擊等等用觸發整,一樣係怪怪地又麻煩
又無光環、魔法畫面效果,搞到用黎用去都靜係得del隻鷹整個爆炸出黎
仲要連加移速、攻速、甲防既觸發都無
呢方面AOC比起好多新遊戲真係輸哂
講真我覺得今次微軟出高清版AOC呢個行為真係極其無大志
靜係改過d新畫面就算, 入面個餡完全係一樣
難得你有一次翻新既機會點解唔整好d?又唔肯俾d成本,靜係改左d畫質就算,其他野一概唔改
有無考慮西土打綠亞城堡時代過屈既情況?
步兵文明過弱情況?
新既非官方出左AOFE多左5個文明又有無考慮加埋入去?
衰d講句, 我唔覺得今次既行動可以有大改變
不過如果我屋企附近有得買我都肯出錢買隻支持下既 |
[複製鏈接]
發表於 11-3-2013 16:05:04
