本帖最後由 倉井影 於 20-10-2012 11:08 編輯
我好明白, CSO 始終都只係一隻虛擬game
我好明白, 身為樂古CSO版主, 呢份只係義工 (義務工作) 來, 來幫手管理樂古已經叫做好好
我好明白, 人係要有現實生活, 要管理學業, 要返工, 甚至要考公開試, 根本無暇工作, 我地要體諒佢地
咁我好想問下大家, 到底你地有無看到以下情況?
1) 集中帖因為無人理, 已經自動上鎖了, 以至最近主版不時出現哂命帖, 到底有無人(版主?)主動找方法去解決?
2) 罵戰 and/or 是非帖無人理, 無人作取過任何行動, 無人關帖
例子: http://www.nakuz.com/bbs/viewthread.php?tid=4396791&extra=page%3D2&page=4
(罵戰由呢一頁 #37開始, 鬧到#180, 離唔離譜d? 呢個帖成個星期都無人做過野...)
和 http://www.nakuz.com/bbs/viewthread.php?tid=4398012&extra=page%3D1&page=1
(呢個擺明係是非+罵戰 post, 俾著以前, 是非post/關於討論軍團是非既post, 一早已經會有人處理, 仲要有人係＂擺明＂講粗口, e.g. Page 11 #101, 沒有明打出來, 態度非常囂張, 以前的話一早已經被強制關帖吧? 而家呢??? 由前日開始鬧到而家! 我地呢啲普通小會員只能眼白白看著，而做不了什麼, 沒有高級人士幫手...)
-2張帖係度, 起碼幾日, 無人理過, 任得d人係入面罵戰;
唔好同我講只要"沒有講粗口就不是罵戰", 佢地入面既內容有好多火藥味, 但無人去管理過秩序;
你話無可能每分鐘, 每個鐘頭咁check, 但呢2個post 起碼3日或以上, 點解仲可以無人出手做過野既??
- 仲有, 主版經常大量引發罵戰的內容, 都是無人處理, 如版主沒有即時進行扣分等處罰, 往往只會到最後由一些人挑起的罵戰到最後版主以罵戰為由而關帖, 而往往所發的帖本身內容充實, 或有參考等價值, 而被因為一定攪事份子而被破壞。版主只考慮控制罵戰而立刻關帖，而沒考慮到那些寶貴的討論意見或內容。
3) 好多版務工作沒有做/被處理
e.g. 交易區 >> 交易區版主無人理, d 人成日唔照格式寫, 又未夠8小時推帖, 都可以不被扣分, 又無事??
不依時間推帖, 但沒有被處罰
http://www.nakuz.com/bbs/viewthread.php?tid=4397508&extra=page%3D3
# 1-2
http://www.nakuz.com/bbs/viewthread.php?tid=4380661&extra=page%3D3&page=9
# 82-83
http://www.nakuz.com/bbs/viewthread.php?tid=4397520&extra=page%3D2
# 5-6
開帖不依格式, 而沒有被理會:
http://www.nakuz.com/bbs/viewthread.php?tid=4393851&extra=page%3D2
e.g. 粗口回覆無人理/扣分 >> http://www.nakuz.com/bbs/viewthread.php?tid=4398012&extra=page%3D1&page=15
#142
4) 樂古低質素既post/留言越來越多 (邊幾個我唔講啦, 不想挑起罵戰)
反之, 高質素的會員, 留言/post 也越來越少
大家有否想過到底是為什麼?
是因為已經無玩? 一個係咁, 兩個都係咁, 三個或以上呢? 隻game 不好玩, 自身太忙, 要忙學業考試工作所以先走?
大家有無反省/思考過, 點解一個二個高質素人士／老手都要走?
事情既根源, 到底事實其實是否被game/樂古的小朋友或者什麼人嚇跑走了呢???
okok, 我好明白
我點會唔知? 我自己都係返工人士, 係人都知道現實生活係好重要
要顧好多野, 無咁多時間做咁多野
唔係只是打機, 唔係只是cso, 也不只是樂古
但唔該, 可唔可以做事有回多少責任心?
做唔來, 點解仲要勉強做, hold 住個位????
一係做, 一係就唔好做, 搵其他人做, 總會有人做既, 搵唔到一個perfect 既人選, 但都可以搵返個頂住先吧??
到底有無公開招募過版主??
樂古咁多人, 係咪真係一個人都無? 一個人勉強頂住先都唔得? 一個人都搵唔到咁慘???
唔好同我講"體諒下啦" 就了結件事, 事實放在眼前
樂古質素每況越下, 版主所做到的版務工作, 大家有眼見
事實上, 而家既情況已達到水深火熱既程度, 不可以"算了" 就完結件事...
真不想其他人以為這裡有好多版主, 令人誤解呢度係無問題 (根本就有問題...)
我不是想說我想做版主, 但可唔可以有人可以做下野?
我想講既係, 我玩cso, 我鍾意cso, 鍾意樂古, 我係樂古既一份子; 香港亦都有言論自由, 我想發表我既意見, 希望改善下以上既情況
我自己睇到樂古cso 搞成咁, 好心痛....
我唔想咁
我唔需要有什麼活動, 我只需要一個會定期做版務工作, 有責任心, 維持秩序, 能維護cso樂古質素 既版主
不用每分每秒每小時check住, 但起碼不要隔得太久, 甚至不做事吧??
能力乃是其次, 最重要的, 是責任心
而不是一個不會做野, 只是掛住個名, 長期hold住個位的版主...
無論是支持也好, 反對也好
歡迎各位愛樂古/對樂古有歸屬感既人, 來表達你地既意見,
此post 既目的係俾個空間大家客觀討論, 不喜勿插,
希望能憑此post, 引發大家既關注, 從而希望可以維護樂古討論區的高質素, 不可再讓它壞下去!
----------------------
本人有以下幾個看法, 歡迎各會員, 以及版主回應
從而引起大家關注, 好好客觀討論, 繼而建立一個高質素的樂古論壇!
1) 論壇的特色, 個人認為, 除左取決於會員的種類 (就好似CSO 多小朋友玩咁...)
仲有就係版主的動向....
我無意去左右 版主的取向/方向....
但版主對留言/post 寬鬆的話, 無錯, 結果是可以看到的
會人流很多, 多很多人留言 (但多既會係D咩人? 我想大家都知道吧...)
2) 無意義的回覆都還是事小, 另外就是 關於留言者的內容問題。
在這個POST 有會員講到,
"看過不少會員發過不錯文章
結果換來n個反對
相信連發文者看到
都沒意欲,想再發其他文章"
又或者
"對於果D講粗口當食生棻,言論一D都無尊重人既人
己經見慣不慣了"
等等
版主的做法, 決定了這論壇 留言者的種類...
我無謂強迫版主改變做法, 但搞成之前那樣, 到底是為什麼呢? 版主有無思考過?
到底版主想要一個人流多, 低質素 (多小朋友, 多廢話) 的論壇?
還是人流較少, 高質素 (將限制線提高, 小朋友不敢亂留言) 的論壇?
3) 還有,
有版主回應道 "另外有罵戰一事,是我不是經常巡帖而"走漏眼",但會員知道的也應到舉報區舉報,盡一點公民責任."
這個現象真的很無奈, 會員說是版主的問題; 版主卻又說是會員問題。
ok, 就算版主的確是睇漏眼
那我真的很想問問, 我之前說的那2個罵戰post, 鬧了足足3日或以上, 點解仲可以無人出手做過野既??
有2個可能性:
1. 版主們貴日事忙, 3日或以上, 都沒有檢查過主版?
2. 主版既版主們沒有認真檢查過主版。
我諗, 有問題既post 有咩signs/symtoms, 版主應該認識多過我吧?
但真係根本無可能睇漏，2個post 都好似cancer 咁，
有好多abnormal signs: 在短時間內增添了數頁，post 既title 已經好明顯有問題 (e.g. 夢城那個post); 軍團名字出現在主版!!
那是不可能睇漏，仲要睇漏3日?? 到底有否check 過? 我自己打緊字都覺得根本無可能發生....
然而, 好明顯, 當我一post出來, 才有版主做野關帖,
那我很想講...答案很明顯吧?
如果版主將責任 推在沒有會員舉報的話, 我會很失望。
就好像醫生幫病人睇病, 醫生斷錯症, 就賴落病人度, 說他沒有講清楚/show 自己有咩身體問題, 這是一個很沒有責任的醫生。
同埋, 如果將這次 "3 日或以上都沒有將有問題的post 解決" 事件盡推在會員身上, 這是一個很沒有責任的版主。
姐係咁講, 幫你睇埋的話, 不如我做埋你個份, 好無?
(無意冒犯)
倘若你是說 "金勳加倍統計處", 版主沒有按入去check 過內容, 都算,
但由#37罵到#180,
你睇返留言時間, 真係在短時間內增添數頁,
就算無人舉報, 理論上, 有做"每天"主動檢查的版主, 應該一早出手做野吧??
至於 "夢之城個團 係咩團黎? 係咪全部都唔識打一般???"
個post 既titile已經好有問題, 但點解個post 還可以在主版的第一頁飄浮了數天?
本人認為這真的是十分簡單的動作, 以及明顯 的問題..
無可能睇唔到, 亦都不是要把責任推在沒有會員舉報的身上，版主都要做野和定期檢查嘛?
但當然，責任不是盡在版主身上。
會員有什麼責任？(e.g. 不要留無意義/不尊重發帖者的留言，見到違規事件立即舉報，不要挑起罵戰，見到就來有罵戰幫手調停，言論要客觀，等等）
一個好論壇，係由會員及版主互相合作共同建設！共勉之！
|
[複製鏈接]
發表於 18-10-2012 02:43:30
收藏
轉播
分享
淘帖
支持
反對
變色卡
發表於 18-10-2012 09:48:45
