[字海機評]突擊自由高達+無限正義高達(IJ部分製作中)

腸仔好好味

廢話:
最近一直不停不停打SD儲g幣,每天玩8個鐘,就係為左抽隻SR路亞。在下冇多餘錢去買點買擴充卡,所以一直都係3200g咁1次1次地抽。上2個星期終於抽到黃色機率(苦.....)抽到黃色機率果一刻其實我好開心,因為終於抽到佢變色啦...之後我繼續咁儲G幣。不過我就係每日抽5次,抽到e家都未抽到(絕望)見最近有執勤活動,e家都係做晒每日任打夠埸數就熄sd去玩LOL。

多謝大家肯睇到黎呢到。

好似講左好多唔關事既野:(其實都有少少關係嫁:)因為太悶先打呢個post:)唔理你地鐘唔鐘意啦,我都係當消磨下時間姐:(土而且呢排一直陪伴我儲G既就係DX,SF同IJ啦(問:你得呢3部機炸? ANS:咪傻啦。話晒都玩左咁耐SD點會得3部機:(雖然都唔係多)見上次打過DX,今次打SF同IJ:(


不喜勿插

---------------------望咩望!未見過分隔線呀----------------------
先講SF


六圍:

上者為變型前  下者為變型後

變型前整體上都唔差,每項都屬標準水平。
變型後攻擊力較低,其他都標準。
整體就係太標準,冇咩特出既地方。
其實六圍呢part真係冇咩野好講:(講住咁多先


武器(係數,距離來自戰記,有錯請自行去戰記反映:():

複相光束炮 係數1650 距離4200  判定:遠  殘彈3發


此武器最大特色就係發射時自身無硬直,移動時都可以進行攻擊,射程亦相當遠,係遠距離作戰係一大優勢,因此為機體提供唔錯既靈活性。而且條光束都ok粗,容易命中敵人。


然而換來既係相對較低的係數(乜野較低,根本就係低好多)。如果係獨角獸之類彈藥多既超視步槍的話,1600係數的確係非常足夠。不過SF既1武只有3發,表面上係威猛既大炮,但威力卻只有較普通超視步槍高一點點既威力。爆發力係電筒炮之中較低既一群。與步槍比較,威力較一般步槍強,但殘彈唔多。而且畢竟都係電筒炮,即使自身發射冇硬直,但射速,延遲,收槍,閃槍等都輸比步槍好多。所以不太論合用作遊擊/對射。


此武裝優勝之處除左發射無硬直之外,另一大優勢就係回彈速度快,開技1前大約7秒1發,回彈速度唔快唔慢,但開技1後回彈速度大約4秒1發,比起其他電筒炮回彈速度算非常快。


另外仲有一大缺憾,就係光束射出位置就完完全全係正正中間,意味著必須完全暴露自機才能夠攻擊,掩體戰中係一大死穴,所以亦不適合用作掩體戰。


此武裝主要作用在於攻擊視距以外或距離自己較遠既敵人,作為較強既瞬間輸出手段。


高能光束步槍  係數2050 距離4230 判定:遠  殘彈1發 倒地


雖然唔似1武咁發射時自身冇硬直,但去除左無硬直倒地炮後,射速係倒地炮之中亦算快,算係一項優勢。


本武裝係SF瞬間輸出最強既武器。係數屬標準水平。威力中規中矩,唔強唔弱(以倒地炮角度)。打包機痛楚程度頗高,但對付拳機略嫌不足。


至於光束粗幼度只有普通步槍的粗度。呢一點係一把雙面刃,正面影響就係夠晒幼,唔容易因擦到建築物而打唔中敵人。負面影響就係太幼,要打中移動中既敵人非常吃力。


回彈方面亦算出色,開技1前回彈約7秒,開技1後後回彈約4秒。將倒地後,等到佢起番身解除無敵狀態果陣,已經差唔多回完彈。用作牽制對你窮追不捨既敵人效率十分高。


本武裝可用作幫隊友解圍用。例如對友被格可以將對手倒地幫助解圍。


另外亦可以將未被對友鎖定既目標擊倒,有擾敵既作用


超級龍騎兵 機動兵裝翼  係數190  距離3300 判定:浮遊炮
睇落有8粒,實際上得6發,第1發同第4發係2粒一齊放出去


係數係每射1下190,每粒浮游炮打3下,一共6粒,全食的話總共190*3*6=3420。威力都算唔錯。


智慧方面亦幾好,唔算好易撞建築物爆。


最大特色係回彈速度,未開技1前回彈20秒,開技1後10秒就回完了,即是放完浮游炮打完消失之後過多1-2秒就回完可以再放過。冇血既時候龜係後面放浮遊都可以玩死人。


用既時候有一點真係要注意,就係放完浮游出去之後,武器欄會自動彈去2武,好容易順手得制射埋倒地炮。由於打擊數少,如果放完浮遊炮又放左倒地的話,浮游就會射空幾下,即係會浪費左D浮遊炮,所以要特別小心。


蜥蝪座光束軍刀  係數1100  判定:近  5刀


毫無疑問只係2支牙籤,刀長相當短。不過斬速都非常快,出度,收刀都相當順。


自機前方180度都係攻擊範圍,係正左/右邊既對手都打得中


由於有5刀既關係,威力比普通4刀剪機強。不過六圍攻擊力只有16.5,整體威力被拉低,打包機傷害還算可觀,打拳機根本係r痕。


高能光束步槍x2  係數650*2  距離2800  判定:中


標準雙槍一支,係數1300。射速,連槍都好快。不過靈活性比起單發步槍差。對射/遊擊效率都較差。


係數1300,非常標準,但六圍攻擊力低,射上去感覺就係水槍。射包機都唔痛,射拳機唔扣血咁制。


威力不足,但彈藥方面就係超多,基本上用唔盡,可以長時間射擊作持續輸出。


雙槍共通弊病,就係雙手各自射,唔似步槍咁單手射,射時候同r前1武一樣要暴露先射到,掩體戰好不利。


旗魚磁軌炮 係數960*2  距離3500  判定:中


係數高,子彈飛行速度快,有大爆風,非常好用既實彈武器。


殘彈3發,回彈快,開技1後更快,雖然容易彈切,但好快就可以再繼續射。


自身無硬直,雖然延遲有D大,但收槍快,3+2連射手感極好


雖然六圍限制火力,但係數始終唔低,打上去有一定威力。打拳機都相當痛,配合雙槍的3+2連續射擊有幾可觀既輸出。


同樣都係正中間射出去,閃槍不能


整體上來講,r前玩遠距離控埸,r後係弱化版自由


很萭用既機體近中遠距離兼顧,浮游炮係現今浮游亂世之中具相當既重要性,遠程有倒地,電筒,中距有r後實彈,雙槍,近程有5下倒地既刀,應用範圍很廣泛


雖然很萭用,但各個武裝卻沒有特別顯眼既特色,電筒炮威力弱,無硬直既超視武器周街都係;有相等/更高威力既倒地炮多的是;浮游炮S白卡,不知火,再生等都比SF強,又唔似hws咁有護身;有5刀既剪機同樣多的是;r後3+2連射比不上自由


最大特色就係有比其他機更全面既武裝,同無硬直既超視炮,但冇自己既特別壇長既長處

技能:
技1 回彈上升  


各種好用不解釋

技2 反中子干擾器ex  hp50%以下,推進量無限,索敵距離增加,雷達顯示敵軍


索敵距離嘛...遠過射程對我黎講=無用:(頂多就係探測更遠敵人


推進量無限呢...對於少boost既剪機黎講絕對實用,拉射,鬥刀,遊擊,移動都有好大幫助


雷達同樣係各種好用,顯示敵軍位置,對於應對,戰術使用等有極大幫助。此外雷達會顯示隱形敵機,冇咁易比死神ew呢類隱形機偷襲(唔睇雷達既朋友可以無視呢行)


唔可以唔講,50%血先開技,食一下亂舞大你就88了。小心為妙

技巧:


1) r前定位主要作為中後埸遠程火力輸出,輔助,擾敵,火力控埸。主要活動範圍為隊伍中後方,以1,2武作輸出慢慢削減對手血量。當隊友被敵人以近戰攻擊時可用2武將其倒地(隊友瀕死時),或先補1-2發1武再放倒地炮(如隊友血量充足);隊友攻擊時亦可以1武稍作補槍。開埸時可以先放浮游炮,有助集sp,間中可用1武補一補槍,具有極佳既擾敵效果;浮游炮攻擊時切勿使用倒地炮擊倒目標,因為會浪費打擊次數,除非敵人正在對我軍進行猛烈追擊。可以使用2武擊倒未被隊友盯上既敵人,有控埸作埸。


2) r後定位主要為輔助,中前埸遊擊,火力控埸。開技2前建議都係做下輔助就夠;要玩遊擊,建議開2技先玩,因為SF既boost量根本唔容許你咁玩,亂上中前埸遊擊的話,一但被敵人睇上左而你又唔夠boost的話,龜霸好快會黎接你;當然50%血先開技,都要加倍小心。未開技之前建議都係玩輔助好,唔好上太前,幫隊友補下槍咁,3+2連射補槍效率絕對比R前好。其實要當作自由地使用並非不可能,只需要習慣一下就可以了。


3) 各個形態既使用亦相當重要。首先,要補槍既時候,最好就轉r後,上面都講過,r後3+2連射比起r前既效率好。解圍既時候當然就係轉r前用倒地炮;有時會遇到D特別情況,例如對方有防包,無法使用倒地炮幫手解圍既時候就轉r後,3+2削對方血,雖然幫唔到手解圍,但有輸出總比冇輸出好。如果自機係隊伍中後置較後的話,就使用r前係後方支援同放浮游炮。


4)r後使用時候要注意一下,r後果對光翼雖然好令,但非常顯眼,亂咁暴露好容易比對方發現自己,呢一點要特別留意。


5)對令果死纏住你既拳機,有4種方法應對。
1.主動出擊,用刀同佢死過。呢招我建議開左技2先用,因為剪機boost要同拳機對刀係好不利。當然要有好刀功先玩呢招,因為隨時會鬥輸而大出血。
2.r後3+2連射拉射。同樣都係建議開技2先用,拉拉下冇boost會死好慘。不過都有缺點,就係容易打亂陣腳,有時真係會比隻拳機追到唔知去左邊,什至入左敵方陣地被集火。建議用作對付血量較少既敵機。
3.r前2武擊倒對方後逃走。擊倒對方後跑回隊友身邊。比較安全既1個方法,但對敵人造成傷害都較低。而且對防包/霸體機無效。
4.直接放大絕。跟第3項原理相同,對防包/霸體/防光等全部有效。代價係冇晒D技。

oc/特裝配點:
1)全攻。本人加法,輸出提升至最大
2)3敏全攻/3速全攻/2敏1速全攻/2速1敏全攻。令機體更靈活
3)3血全防/全防。保命用

影片:
如果有人仲唔明呢部機既性能既話就建議你睇片= =本人各種手殘,加上唔知點解拍片果陣會爆lag,所以唔拍lu
我都係是但係youtube搵條似樣少少既片post上黎,如有侵犯請提出我換過條片




打左成日,比少少面

腸仔好好味

到IJ了...
岩岩出果陣就下修左幾次,慘(hws起碼都有上修過)





六圍:

上r前 下r後
r前各方面都唔錯,只係防有點低,得16.8
r後攻低左少少,但防就升左上19.8,係1個唔錯既數字;敏速都有上升
整體上都算唔錯。


武器:
蜥蝪座光束軍刀  係數1320  判定:近  5刀


相當好用既1把刀。出刀,收刀都相當快。


係數有1320,係s拳之中係數都算幾好。六圍攻擊力高,加左有5刀,打起上黎威力都相當強。


長度方面亦相當出色,大約2個身位左右,加上有斬地,捉人效率都唔錯。



刀光都非常華麗,簡單講就係一把冇咩好抱怨既好刀


不過因為r後同樣有刀,再多招格鬥連技既關係,實戰時好少會用到呢把刀:(多數都係r後3武未回完果陣同埋防身先用。



高能光束步槍  係數1300  距離2800  判定:遠

係數1300,s機之中十分普遍。但六圍攻擊力高,威力都算唔錯。

步槍優點就係單手開槍,IJ就係右手開槍,可以利用掩體遮掩機身左邊,只需露出一部分機身就可以攻擊。呢點可以減少自機既暴露,降低被打中既機會,掩體戰方面比較佔優(見下圖)


手感方面卻只屬一般,射速上ok,但收槍慢,唔配合3武正係用2武的話,連射時每槍之間相隔既時間比起其他機長。

彈藥方面殘彈大約7發,回彈約4秒1發。殘彈唔算少,但回彈較慢,太依賴都好易彈切。

主要用於補槍,配合3武3+2連射。


超級強力型光束炮  係數800*2=1600  距離3800  判定:中

IJ咁多武器之中最為特別既一樣,射擊時自身無硬直,移動時都可以射。而射速,以超視炮黎講都相當快,對機體提供很大靈活性。

射程方面都相當遠,可以作為對視距以外既輸出手段。不過機體未開技2前本身索敵距離相當杯具,只有2武射程咁遠,敵人接近係視距外(即仍然隱約見到敵機),都還可以搜索到敵人,但只要係出左視距就已經描唔到。要最有效發揮,就一定要開左技2先得。

跟SF有同樣既問題,就係係數問題。係數只有1600,明明係超視距武器,但就冇應有既係數。不過有相當既靈活性,而且六圍攻擊力高,配合3+2連射亦有相當可觀既輸出。

另外此武裝有貫穿效果,所以好彩既話隨時1炮打中2個人

仲有就係本武裝係2炮咁射出去,雖然唔似雙槍咁分開射,不過射歪左都有機會只中1炮。

彈藥方面都相當缺乏,由於殘彈只有2發,加上每發要回7秒,要好好珍惜每一發,盡量唔好亂咁射

中距離判定,防包唔會減傷,對付X1,雙龍ew等相當有效。

主要用於補槍及配合2武既3+2連射進行遊擊


蜥蝪座光束軍刀(2刀流)  係數1320  判定:近  5刀

雖然持刀手法唔同左,但攻速等都同r前1武相同,相當之快同順手。

刀長同樣係2個機位,同樣有斬地,捉人一流


雖然係數跟r前1武相同,但六圍攻擊力比r前稍低,威力跟r前1武相比稍遜。不過因為配合r2及r3既連續攻擊比起r前係近戰上更具爆發力,令此武裝係實戰上使用率比r前1武多。


光束回力標  係數1400  距離2300  判定:中  追尾 減速

同樣係自身無硬直既武器,可邊走邊射。

係數1400,只有比一般光槍高一點既係數,威力方面唔算強,但打落剪機都有一定傷害。雖然回彈都算快,4秒1發,但彈藥方面依然很缺,殘彈只有2發,持續輸出唔強。

至於甩標方面,只要唔好太近或者太遠,甩標都打得中

帶有減速效果,加上有追尾,容易命中,擾敵效率唔差

作為IJ惟一追尾武器,具相當大重要性,留係建築物後面都可以有穩定輸出,安全性相對較高。


“獅鷲”光束刃  係數1400*3 =3200 抽氣  3刀


咁多抽氣連技入面算係比較特別。一般連技都係好似劍西咁,第1段同第3段既打擊次數都係1下,第2段打擊次數多,所以主要輸出係第2下段。而IJ既連技雖然都係3段連技,但每一段打擊次數都係1下,而且傷害係平均分佈係每一段攻擊,而唔係第2擊傷害特別高。


不過本武裝倒地值曾經被修改,現在頭2段倒地值=1武1刀倒地值,第3段為1擊倒地(如果前面果幾下冇中到,中左呢下都會倒地)


威力方面係眾多連技之中都算出色。


攻出相當快,手感就好似一把3刀倒地同無起手衝刺既光束軍刀,玩過劍脈既人應該會理解得到,而且有抽氣效果,都算係一樣唔錯既抽氣連技



---------------------望咩望!未見過分隔線呀----------------------




未完嫁.....稍後再更新

a1515354

d字想比邊個睇,,甘細-.-

最後武士wd

粱國雄議員!!!

199xabc

WOW~字海,
不過我仲未合突自

嘲笑

樓主搞搞d字型佢先

小湊

字海加細字　真看死人

doraemoneserty

D字細到呢,睇到眼殘

天才A

睇晒
中規中矩既機評

R前1武
<此武器最大特色就係發射時自身無硬直,移動時都可以進行攻擊,射程亦相當遠,係遠距離作戰係一大優勢,因此為機體提供唔錯既靈活性。而且條光束都ok粗,容易命中敵人。>
出現多左一次

KELVINLIU

D字細到呢,睇到眼殘
doraemoneserty 發表於 5-8-2012 16:50

    放大咪得囉