本帖最後由 pk1pk1kp1 於 6-9-2011 20:06 編輯
以下為本人對熾天既感想...
部份圖片,原作資料,係數轉自戰記
-----------------------------------
前言:
係呢到多謝支持我個沙波機評既朋友^^大家既支持係我寫機評既動力^^
回正題,話說我本身對熾天全無興趣...後來番學果陣有個fd無啦啦走埋黎串我話佢合左隻V2B,果陣我又唔肯認低威,所以買左隻熾天串番佢轉頭,最後佢成功比我串到佢
雖然係為左串fd先買呢隻熾天,不過某次同fd玩單挑果陣,我就用熾天同佢玩啦,佢用劍西。玩果陣我發現熾天呢部死肥西原來真係好鬼死屈機,佢部劍西3番4次咁滿血地比我秒殺左 後來我就開始專注玩熾天,e家係到發表下我對熾天呢隻肥西既感想
-----------------------------------
原作資料(轉自戰記):
<好型仔既GN力埸@@
德天使後續機，名稱由來名稱源自於九大天使階級之一的“熾天使（Seraphim）”。熾天使天人的第四世代GUNDAM之一，於2312年首次登場，是新生天人的四台第四世代GUNDAM中最早投入實戰之機體。
-----------------------------------
六維:
r前六維方面冇咩特別,攻擊力ok可觀,但防禦力偏低
r後六維防高左(雖然都係偏低),攻低左(但武器係數高)
------------------------------------
武器:
r前:
1武 格鬥 係數3000
2武GN火箭炮 係數2050
3武GN加農 係數1075*2
r後:
GN光束軍刀2刀流 係數1100
GN光束軍刀6刀流 係數550*6
1.講下招格鬥先。同下體向前一撞。呢一撞其實真係冇咩優勢,撞擊距離短,可能因為同下體撞既關係,出手都比較慢,而且攻擊時硬直非常大。打唔中人的話好大機會比人打番轉頭。所以都唔建議多用
2.個GN火箭炮,係熾天主要輸出,殘彈大約4發。攻擊力高。性質類似線性步槍,但爆風較大,爆風範圍見下圖:
射速慢,不適宜同人對射,主要留係中後埸慢慢射。中距離判定,對防包機唔會減傷
3.偉大既GN加農,1發2hit,2hit中晒先倒地,攻擊力高,射速慢。多數都係幫隊友解圍或者冇野做果陣射下。遠距離判地,打防包機唔痛的說
4.光束軍刀2刀流,本機焦點之一,5刀倒地,配合MA可斬到8刀,每下倒地值大約12.5左右(倒地值到100機體就會倒地,防包機倒地值係1.125)刀短,斬速算快
5.無比偉大既光束軍刀6刀流,轉個圈,攻擊範圍大,連自己後面既人都斬到,攻擊力高。可運用以下方法增強威力:
屈機吧!
---------------------------------------------
技能:
技1
裝彈速度上升
使用武器的恢復時間（CD）裝填速度+40%
技2
Transam(熾天使)
hp 50%以下時敏捷+4.5，推進持續時間+50%，推進槽恢復時間-50%，攻擊力+4.5，防禦力+6。
技能方面其實2招技都幾實用。熾天本身彈少,回彈都算慢,技1就彌補左呢個問題。仲有熾天r後2武,本身回得都唔慢,開技1之後更加快,基本上用完殺左1個人等佢復活左之後都差唔多回完...
至於技2,開技之後加攻加防,有左加攻,熾天威力變得更加變態,加防稍稍舒緩低防問題(其實都係好脆 )仲有技2有得加boost量同加快回boost既速度,熾天R後既boost已經達到拳機水平了...不過呢招技好有個好大缺憾,就係要50%血先開到技,技招亂舞大就886
------------------------------------------
個人感想:
其實熾天最大既缺憾不過於低防既問題,不過好彩r前形態有個GN力埸,可以頂到幾槍,有GN力埸果陣敵人打過黎差唔多唔扣血。不過都係最好都係盡量跟住隊友後面玩輔助,間唔中見有人射幾下咁樣,熾天個GN力埸真係正係頂到幾槍,幾槍之後又變番舊豆腐,以我既經驗,某次GN力埸爆左之後,5秒內80%血就咁比一隻曉殺會心射2下死左...所以都係盡量跟隊友,搵掩體係後面偷射。千萬千萬唔好同人玩對射,特別爆左GN力埸之後,儘管熾天幾高攻,以熾天射速同連射速度,仲有熾天既低防,熾天必定會大出血殺唔到人...
有好多朋友初初玩熾天都會有1個問題,就係會過份依賴1個形態(姐係唔識幾時用R前幾時用R後),想玩得好熾天,適時轉形態係1個好重要既因素,有時明明可以斬佢,但你就用r前同佢玩拉射,之後就比人打死左;或者你明明可以射死佢,點知你就去斬佢,到最後比人圍死左。玩好熾天其中1個因素就係睇岩時機轉形態。點先可以把握時機?我都唔多講了,呢D時機唔同對手唔同隊友唔同埸地唔同時間都唔同。以我既打字速度,要打晒出黎起碼要1星期時間先打得晒 。所以大家都係自己係game入面慢慢領悟啦。
其實仲有樣野想講...就係r後2武既問題。睇番上面個教學,熾天2武睇落真係好屈機...不過老實講,實戰之中2武能夠企頭斬機會真係唔多...主因係熾天1武刀短,捉人時效果唔算理想,同拳機打用1武優勢唔大,所以多數2武都係用黎捉人之後先連1武打...所以呢,大家實戰果陣對住拳機冇必要刻意去跳上人地個頭到斬...
好機定廢機,見仁見智啦...
---------------------------------------------
天敵出沒注意:
呢部分主要係介紹一下現時港服有邊D機對熾天威脅較大,同埋如何對付呢D天敵。
1.曉:
曉對熾天黎講可以話係1個惡夢黎,煩人既反光技,變態既火力...見到曉盡量搵掩體,唔好同佢對射,有GN力埸都唔好出去,以曉既火力2下就爆左個GN力埸...未開技果陣就慢慢射下佢,扣佢D血,開左技之後得2個方法對付,1係就爆sp,1係就用刀斬佢。不過都係盡量唔好用刀斬佢,開到技既曉大多數都已經有sp,你仲過去斬佢只係送死...而且曉仲可以拉射你,熾天咁低防,好搞就會比轟死。所以都係出SP打佢啦
2.GP03D等有I力埸+霸體既機:
呢類機對熾天黎講都係非常難對付...射佢唔痛,斬又唔夠斬,惟一1個方法就係同對付曉一樣,爆sp。
3.獨角獸NTD:
唔使點多講啦,雙防技,近攻打佢唔痛,射佢都唔多痛。不過好彩佢唔同I力埸同曉咁樣,射NTD比較痛(都唔算好痛-3-1下扣1/8都唔知有冇),等隊友打到佢冇乜血再射佢/爆佢sp汁雞吧
4.Nu高達,V2A等有防光盾既機:
同對付曉差唔多...爆佢大/斬佢就ok了
----------------------------------------
配點:
全攻
最普遍既加法...我都冇D乜野異議了...
----------------------------------------
作戰影片:
本人電腦廢+技術廢,唔親自拍片了-3-搵高手示範
-----------------------------------------
寫得唔係幾好...請見諒 |
[複製鏈接]
發表於 5-9-2011 21:15:13
收藏
轉播
分享
淘帖
支持
反對
變色卡
樓主