本帖最後由 梁國雄 於 30-8-2011 18:43 編輯
前言:
唉...暑假就完 以後都可能冇乜機會再寫機評
加上今日比較無聊,所以寫次機評
之前發神經想合翔翼型突擊高達
其中材料要異端高達藍色機
結果唔小心抽中左力克.大魔
部機冇乜人用,入好多個場都唔見1部
今次我要寫機就係 力克.大魔
-----------------------------------------------
機體介紹:
我既力克.大魔
德姆的宇宙戰式樣，用火箭推進器取代了腿部的熱核噴射引擎，配合這台機體一擊離脫的特性同時搭載了試作型的米加光束火箭炮。比起實彈火箭炮和機槍更注重一擊必殺的威力。
---------------------------------------------------
六圍:
HP 9.6
攻擊12.3
防禦12.3
速度 17.7
敏捷13.5
必殺12.3
c機布機中六圍差唔多係最高排第二
排第一係大魔熱帶形(沙漠戰式樣)
六圍除左hp比較少只有9.6以外
其他都比較高,但可惜係推進的時間只有2秒
氣極快用完
------------------------------------------------
武裝方面:
1武:熱能軍刀
係數 800 每刀
其實把刀同大魔既動作一樣,把刀好短
攻擊範圍都好細,而且攻擊速度極慢
4刀都好慢,出刀唔快,收刀唔順
係數好低,就算4刀打中都唔係太傷
重點:
把刀唔係主力武器,只係比你用黎防身
而唔係不斷去斬人,如果你不斷去斬人
因為推進時間只有2秒,好容易唔夠氣
被人集中火力唔死都重傷
當隊友比人格可以用1武去救人
當隊友想打人時可以去幫佢捉一下
之後交比隊友,用2武打人
-----------------------------------------------
2武 光束火箭炮
係數 1300 大約10發 cd4秒
本機主力武器,射出黎顏色同gp02a(包)差唔多
但係係數有1300接近s機光槍係數相當高
係數比gp02a高100,有貫穿效果
有好就有壞,雖然好似好強
但壞就係攻擊速度極慢,好耐先射一槍
攻擊速度慢只係缺點其中一部分
第二個缺點就係同主題有關係
回彈極慢4秒先回一發,彈藥都唔多只有10發
經常冇彈既問題相當大,真係彈切大魔
所以唔好亂射要經常留意彈藥
重點:
因為攻擊速度太慢,所以唔好同對方鬥射
因為光束火箭炮比光束槍射速慢
所以同人鬥射會陷入不利情況
如果對方係剪機更不利
所以盡量去偷打唔好正面衝突
當隊友格人時可以用2武偷打
---------------------------------------------------
3武 胸部擴散光束 係數600
效果抽氣 cd 大約15秒
多數大魔都有既武器,相當有用武器
係本機重要武器,傷害雖然好低
但有效果抽氣非常強大,而抽氣唔洗好似
k-ball3武要格鬥先抽到氣
而且回彈都算快只要15秒
(如果對方有v疫苗的話抽氣就無效)
重點:
因為依個武器有抽氣能力所以可以用黎自保同救人
當如果突然間有人衝出黎的話可以用抽氣
等佢比人集中火力,如果隊友比人追殺時
可以用3武救人令佢比人打
但係如果對方有v疫苗的話
就用2武因為抽氣效果會冇左
--------------------------------------------------
武器總結:
其實武器方面要靠2,3武為主力武器
主要都係靠射擊為主
但佢既武器有個缺點就係全光束
假如對i力場既機就頭痛了
---------------------------------------------------
技能:
攻擊力上升
效果提升機體攻擊3.0
雖然係一個普通技能,但攻擊力+3會令攻擊高達15.3
有b機水平,而所有武器既攻擊都會提升
最大特點係只要有第一段sp就可以開技
非常實用技能
無限彈藥(2武)
效果C 級 體力在40%以下時，機體2號武器子彈不消耗+連續射擊速度+15%
依個技能開左的話就唔怕彈切問題可以不斷射
雖然佢話連續射擊速度+15%,但同冇開都係差唔多
雖然好似好有用技能,但係最大問題
係要40%血先開到,40%差唔多要死
只要40%唔死的話就可以不斷用2武令敵人重傷
---------------------------------------------------
技能總結:
2個技能都可以令本機增加輸出
2技配合只要40%不死,可以將敵方重傷
但2技開時只有40%血送你一個sp你就要死
要好好利用反sp
---------------------------------------------------
打法:
前期:
本機以射擊為主,如果你亂衝/落單的話好易被人集中火力
相信唔洗幾秒就會死,所以一開始要跟隊友一起
你負責去用2武偷打,如果見到有敵人
衝上黎的話就比個3武抽佢氣
等佢比人集中火力,如果隊友衝上去的話
你就跟上去啦,用3武支援隊友,
開始用3武最實際,因為所有人都冇sp
所以v疫苗無法發動,無法防抽氣作用
中期:
相信你已經開左技1,你繼續跟大隊支援隊友
但你要有sp,因為本機經常被拳機格
所以要用sp去保命
後期:
到後期所有人都有sp放必殺,雖然本機比較少被人放sp
但都有會去放sp,所以要利用反sp
如果自己在不利情況的話
唔好衝上去,留在中後場
sp除非在必要情況下都唔好放sp
--------------------------------------------
天敵對付方法:
1,可怕的i力場,有i力場既敵人
因為本機除1武除全武器都係光束
遇到i力場既機就頭痛
一開始冇i力場時盡量全力攻擊佢
開i力場後,幾乎完全唔痛(都有少少傷害)
唯一做法就係靠隊友殺佢,自己都可以用2武
2,曉高達
未開技前,同普通s剪差唔多
但開2技後就非常可怕
i力場只係-75%光束都有極少傷害
但係八咫鏡開左係100%防光束仲要反射
除左1武2.3武係完全無效
所以送佢1個sp如果唔死的話只可以靠1武
3,獨角獸高達(ntd)
ntd比上面2種機易殺少少,雖然冇防光束.光束無效
但高防,而且武器係數相當高2武係數1450
幾槍唔死都重傷,3武係數都相當高
開始先跟大隊如果見到ntd而且比較近的話就比個3武佢
等隊友集中火力
4,有浮遊炮既敵人
當如果你比浮遊炮打中的話,只可以撞爆佢/用t骨
而本機武器係打唔爆浮遊炮,光束步槍可以
但光束火箭炮打唔爆,
所以唔好亂跳高
--------------------------------------------------
技能卡:
精密狙擊:你應為本機有狙擊就用
緊急整備:冇乜用只係死左快d出
高達格鬥術:1武跟本唔係主力武器,作用唔大
底力爆發:作用唔太大要50%先開到,將打擊變重擊,都有少少用
v疫苗:最實用技能卡,建議裝這個,因為2武回得太慢如果唔小心比人抽彈就頭痛
新人類覺醒:經常唔夠氣有左佢就多d氣走佬,都實用技能卡
必殺技覺醒:唔實用要35%血先開到,而且本機唔係玩sp
---------------------------------------------------
點配:
暴力形:全攻
全攻形攻擊高達24.0傷害極高再+技能27.0
2武傷害會大增打中拳機會心的好可怕
但打剪都係差少少比較差
高防形:4血全防
4血全防,防禦高達20.4比較低
但武器傷害比較低
唔實際,點防不如點攻擊
ex:如果你ex的話就要回氣經常唔夠,好實用
----------------------------------------------
取得方法:
好似係第5定第6號機
有閃光高達哥部
合成:
目前一部機都合唔到
-----------------------------------------------
影片:
因為唔識拍片技術極差,條片轉自戰記
----------------------------------------------
今次終於寫完,我希望大家可以睇到最後
其實我冇要求只想一個少少回復
如果覺得我寫好按下支持
如果仲有不足之處,請提出
完結
|
[複製鏈接]
發表於 30-8-2011 18:38:04
收藏
轉播
分享
淘帖
支持
反對
變色卡
樓主