［機評］鐵一般的指揮 FAZZ 入尼睇下支持下小弟啦-__-

十人竹

大家好，呢個係小弟十人竹第一次寫的機評，有咩做得唔好可以同小弟講～一睇個題目都知今次的主角係咩吧，冇錯，就係FAZZ了!
我寫佢的原因係因為佢係我第一部合的s機，所以非常喜愛，但係見到依家開始冇咩人用呢架，所以想向大家重新推介呢架機，希望大家唔好遺忘此機～


ＦＡＺＺ簡介:
設計人員遂對全裝甲組件（full armor option）進行改進，裝備有這個組件的增強型ZZ稱為FA-010S 全裝甲ZZ鋼彈。
這組配件由包含有許多導彈發射器的重型外部裝甲和裝備有強大的高能MEGA粒子炮的軀幹部裝甲組成。這些裝甲能有效
地化解機體脆弱部分上所受到的攻擊，但是俗話說“有利必有弊”，其缺點是只能裝備在增強型ZZ鋼彈的MS形態上，
如增強型ZZ想變形為G堡壘形態，就必須將全裝甲組件卸下，而且此過程不可逆。



六圍：


由上圖所見，應該睇到有咩特點吧！爆甲前，血15.9，起ｓ機尼講好唔錯了，好多機都不及它。防22.8，對於唔係大機尼講係非常之強，加上唔錯血量同埋技能，所以可以達至’鐵一般的防禦’。必殺無須講吧。速度起ｓ尼講真係好低，不過有技能的補救，唔算係一個大的問題。攻擊力就低，得15.3，但係有１技補救加上高火力，所以都唔算大問題。機動都係差ｄ，但係都係有技能補救，所以都有番唔錯的機動。總而言之，六圍係頗差的，如果沒有技能及武器補救，應該會係幾難用，所以此機的重點是武器及技能。


武器方面：


爆甲前１武追蹤導彈，２武光鎗，３武粗炮。爆甲後１武無沖刺光刀，２武光鎗。
先講爆甲前
１武追導：攻擊力幾高，距離中，追蹤能力頗強，回彈幾快，大概６秒左右，由於回彈時間快，加上攻幾高，所以可以話係此機的主要武器！


２武光鎗：掛名的主要武器，本人用的次數不太多，主要因為回彈比較慢，攻唔高，手感不太好，好普通的鎗。


３武粗炮：攻擊力普通，距離遠，使用時自己有硬直，回彈時間頗快，大概７秒，打中對手後對手會倒地。


爆甲後（爆左甲不能回復）
１武無沖刺光刀：無沖刺姐係你對住敵人用１武時自己唔會沖，會原地斬，好處就係唔洗甩刀啦。佢把刀係我用過最強的無沖刺刀，首先佢刀身長，有劍西咁長，而且攻幾高，但係斬２刀，不過斬２刀可以減少食ｓｐ的機會，所以非常唔錯。

２武光鎗：同爆甲前有些分別，攻高左，回彈快左，手感好左。

技能方面：


１技攻擊力上升：加３攻，加３攻對FAZZ尼講幾重要，本身火力強，開左１技可以抵銷左低攻的問題，令到此機變得可怕
２技專有技：５０血時全體隊友移速加10%，速加８，boost加50%，回boost減25%，加雷達，加索敵距及自身加５０％抗光。５０血加咁多野真係幾值，佢招技姐係等於全體隊友加新人類覺醒，加埋自身的積層甲，令到機動力同速度差的問題大大改善，更加增加了抗光，令到自身的防更高！但係雖然防高左，但係要注意你得番５０％血，所以沖前就留比隊友啦，打中後場留番個技比其他人用吧！
用此機要注意：
新手用此機最常見問題就係成場龜後場，龜後場唔係大問題，但係如果你成場都係咁，輸出不但低，而且更加會令隊友要３打４，要記住，呢架機主要武器唔係３武，係１，２，３武並用，先可以發揮到佢的威力，而且佢係剪機唔係包機，應該和隊友一起，支援隊友，以及中場指揮。
用呢架機要識得甩彈，如果唔識就可以先用陸戰尼練下先，甩彈教學可以起精華搵。
最後，呢架機係爆甲的，爆左甲冇得番轉頭，所以爆甲前請三思，雖然把刀好強，但係佢唔係拳機，唔係必要時唔好亂用（for新手，高手的話可以不用理）
個人打法分享：
每次最好同隊友一齊，因為佢冇格鬥武器，如果自己一個好危險。
如果隊友斬梗敵人時，不要使用３武倒地，我建議先用１武之後２武，直至隊友斬到敵人倒地。
如果隊友射梗敵人，同上便可，唔好用３武。
如果隊友比人打梗，就要即刻用３武解圍。
如果你果時冇隊友又見到有一隻包機，可以立即各它攻擊，先用１武，再用２武，等１武中左再用３武，已經對對方包機造成重傷並造成壓力，令到佢冇機會打己方拳機，之後如果冇人幫佢就繼續火力轟炸吧，有人幫手就要閃水了。
如果你果時冇隊友又見到有一隻剪機，你可以用相同方法打佢，同佢鬥中距離射擊，fazz自身高防加上技能，對方一定很難才能把你打敗，但要小心一些如自由的中距強機，以及小心ｓｐ。
如果你果時冇隊友又見到有拳機尼梗，就要睇下係咪包抗機，係的話可以ｓｐ，如果係強就可以爆甲用刀同佢死過。冇包抗就即刻３武，打完走佬。如果係反格就ｓｐ算吧。
和命運比較：
因為此機和命運武裝和六圍都幾似，所以好多人用佢地尼比較，所以我簡略地比較一下，比新手知道有咩唔同。
我個人認為命運主打中前場，而它打中場。
命運中距輸出不及它，但近距則較強。
命運的技能主要加強必殺同擴大他能打的範圍
它則加強中距輸出及指揮力
所以雖然它的能力及武器似
但係２隻是頗唔同的。
ｏｃ配點：
我見過最常有３種
第一種全攻，我自己都係點全攻，因為可以加強佢中距輸出能力。


第２種全防，可以令到開左技防禦更強及達到３０防。


第３種３血全防，可以令到佢食ｓｐ扣得少ｄ同埋有高防。

相關影片：


唔係我的，我太廢了，同我打過都知。睇完的回下吧，比ｄ意見我啦＝（

smartkit

寫得ｏｋ　幾長勢

十人竹

thx
多謝意見

十人竹

唉...寫得咁辛苦都冇人回...
唉........

一人力

近排少有ge 機評, 支持下先
其實fazz 好靠隊友, 由其是E+大量淫蕩拳機橫行ge 時候,而街場d人又...... 所以咪少人用lor

ergmm579

支持下

十人竹

近排少有ge 機評, 支持下先
其實fazz 好靠隊友, 由其是E+大量淫蕩拳機橫行ge 時候,而街場d人又...... 所以 ...
一人力 發表於 29-5-2011 22:20

冇錯...依家d拳機支炮好勁...
唉.....好多時用呢架都係冇人幫之後死(隊友起架離-_-)

隆;)

支持1下.吾錯.希望下次打埋命運機評a_a

26161027

支持支持,但係我都係覺得多3好用D波~不過各有各特色吧~

GodK

片要自己拍的先好睇