小弟對八字略知一二,有興趣既可以入來~

～蛇仔～

得俉得GA?@@
sohoipan2009 發表於 6-6-2011 11:58

94年12月31日:
思想細密,獨特敏感,感覺敏銳,洞察力強,細心靈活~
富同情心,有幽默感,頭腦靈活,適應力高,識得隨機應變,不受束縛...
表面悠閒,其實內心心急,有D輕率,有時會自作聰明...
肯為左人地而付出努力,有個人既魅力,可以得到人地既注目~
同人相處融洽,可以話係八面玲瓏,經濟觀念都幾好~
但係自尊心強,喜惡明顯,有D任性同埋虛榮心,亦都相當注重外表~
慾望又多,比較容易中圈套...
講野有時會好有禮貌,但係亦都會暗串人,講野算係有骨,令人聽到會有D唔舒服...
缺點係有D揮霍,緊張自己既自尊心同埋面子,而令自己蝕底,毅力脆弱,魄力不足...

95年5月9日:
敏銳剛毅,精力強旺,意志堅定,不甘認輸,口材了得有如利劍,可能有D潔癖~
思想矛盾,有時會好小心謹慎,有時又會做事堅決,心急,甚至會有D衝動...
理解力高,多才多藝,有正義感,唔鍾意D奸詐虛偽的既人~
觀察力好強,疑心好重,對周圍既事物都好注意...
係適當既時候,行動又可以好敏捷,令人感到神秘...
識得飲水思源,好重義氣,自我表現既心都強,肯捱辛苦去充實自己~
識得隨機應變,社交力強,所以比較易得到人地尊重~
對事物抱有好奇心,所以對宗教或者玄學會比較有天份,自己亦都會努力參與~
缺點係有時容易疏忽細節,傾向批評人,批評得太絕會無意中樹敵~

95年3月17日:
聰明,溫和保守,設想周全,心思細密,好少感情用事~
心境樂觀,從容不迫,開朗有禮,處事慎重,能夠和諧咁同人相處,算係八面玲瓏~
對人熱情,有同情心,往往俾到人地一種溫暖既感覺...
自己肯吃虧,可以話係有情有義...
具審美眼光,外表得體,嗜好多而明朗,而且鍾意享受...
大多時都只係表現開心個面俾人睇，真個一面會收埋,有D雙重性格,亦都比較少分享心事~
凡事都會留有後路,所以好少蝕底,但係有時會有D敏感,或者過於自滿~
缺點係凡事考慮太多,有D猶豫不決,甚至會鑽牛角,亦都有自滿既傾向,所以唔係咁易貫徹工作...

95年8月30日:
虛榮心同自尊心都好強,唔鍾意受人指使~
溫和穩重,平實正直,能夠忍耐,純潔,注重道德,比較內向,有D潔癖...
有想像力,鍾意思考,思想傾向悲觀...
喜惡形於色,手腦靈活,鑽研力專注~
感情上面可以話係脆弱個類,有D反應過敏既傾向,小小野都可以造成擔心~
有同情心,但係又會防範人,驚好心冇好報,而且心入面有不服輸既心態~
觀人於微,容易見到人地既缺點,又鍾意批評人,容易留低壞印象俾人~
不過亦都有浪漫同埋完美主義既一面~
缺點係多管閒事,融通力比較弱,有時會唔夠冷靜,小小事已經可以令自己陣腳大亂...

~唔準勿插~

～蛇仔～

唔該曬,尼過帖加精LA~
sohoipan2009 發表於 6-6-2011 15:43

THX~
呢D野唔到我話事...

～蛇仔～

出生日期1997-06-06  晚上10點
a6637973a 發表於 11-6-2011 21:17

多才多藝,理解力高,吸收力強,頭腦靈活,機智善言~
開朗樂觀,獨立積極,精力旺盛,力求完美,有D虛榮感...
唔係好識得表現,有時更加好似冇左活力,依賴性強,好容易迷失左自己...
溫良,隱藏,有D神秘的既吸引力...
知進退,容易得到人地器重,亦都會多人賞識~
鍾意自由自在,唔怕獨來獨往,容易適應環境,天性豪邁,社交力強,人緣好好~
但係喜惡形於色,係咪真正既朋友會分得好清楚,同朋友雖然係多計傾,但係都係吹水多,好少傾心事...
情感上面既問題比較大,經常抱著不成功便成仁既心態,加上自己依賴性強,又冇乜主見,所以好需要人地扶持~
缺點係容易自我迷惑,好難集中精神,容易消極咁妥協,甘於被人利用...
~唔準勿插~

～蛇仔～

出生日期:1994年12月1日
出生時間:晚上
性別:男
s1a0909 發表於 12-6-2011 16:57

思想細密,獨特,敏感,富同情心,頭腦靈活,肯為左人地而付出努力,有個人既魅力,可以得人地既注目~
堅強耿直,對自己既觀念會貫徹始終,多數既事都會依計行事...
但係做緊既同時又會胡思亂想,作最壞打算而感到矛盾,亦都有鍾意幻想既傾向~
擇善固執,唔鍾意D無謂既應酬,少融通,但係同人相處都算融洽,可以話係八面玲瓏~
自尊心強,喜惡明顯,有D任性及同埋虛榮心,亦都會相當注重外表~
表面冷淡頑固,但係內心熱情有義理,而且誠實,溫和,親切~
可能會不平則鳴,平時可能會沉默寡言,但一傾開岩既話題就會滔滔不絕...
正義感強烈,可以為左自己既使命感或者責任感而付出一切,甚至係自身既利益...
缺點係有D揮霍,緊張自己既自尊心同埋面子而令自己蝕底,毅力脆弱,魄力不足...
~唔準勿插~

～蛇仔～

社交力強,人緣好好錯左...
a6637973a 發表於 13-6-2011 23:08

THX~
其他冇唔準嘛?!

～蛇仔～

蛇仔阻下你地方啦，得閒路過答下
Philip33 發表於 14-6-2011 16:53

冇乜所謂~

～蛇仔～

出生日期:1996-08-26
出生時間:2:00-3:00p.m
性別:女
麻煩幫我睇下,thx
hosce290 發表於 15-6-2011 10:48

柔和融通,了解處世,聰敏機智,頭腦靈活,回應迅速,吸收力強~
活潑,可以適應環境而出類拔萃,亦都可以隨機應變咁去面對逆境,對環境既適應力好強~
自我主張唔強,而且洞察力強,容易同人協調,所以人緣亦都幾好~
表面謙虛,其實內心強烈,會比較現實主義,重視金錢...
有出色既創意,決斷快速,但係有時決定得太快會唔太穩陣...
好有自信,可以用有勇有謀來形容,但係有時為左方便或者為左自尊心就會變得急功近利....
缺點係容易灰心,依賴性高,多心,有時諗法會不切實際,亦都會有杞人憂天既傾向,易受誘惑...
~唔準勿插~

～蛇仔～

出生日期:1996-09-02
出生時間:3:00A.M
性別:男

想認識自己多d
麻煩幫我睇一睇 ...
毒男澪 發表於 15-6-2011 21:39

3AM係之前定係之後?

～蛇仔～

回復  ～蛇仔～
3點正
毒男澪 發表於 16-6-2011 07:10

咁....我唔用時間睇架喇,睇少左好多野:(
聰敏機智,回應迅速,活潑,文武兼具,充滿智慧,有創意~
樂觀,有勇氣,有熱忱,吸收力強,亦都有良好既領導才華....
有大哥風範,鍾意照顧人,幫人~
識得適應環境,洞察力又強,做事會有細膩既計劃,會知時而行動,識得掌握時機~
但係又鍾意自由自在,唔想受到束縛,所以有時會令自己陷入兩難局面,有D矛盾...
人緣亦都良好,尤其係異性朋友比較多~
唔會拖泥帶水,決斷快速,但係有時決定得太快,會唔夠穩陣...
有自信,可以用有勇有謀來形容,但係有時為左方便或者為左自尊心就會變得急功近利....
缺點係懶同任性,多心亦都係缺點~
~唔準勿插~

～蛇仔～

回復  ～蛇仔～

都幾準下   由其係外冷內熱的性格    謝了
s1a0909 發表於 16-6-2011 16:25

THX~
有冇邊D唔準架??