【原創機評】SS系列第一擊 - 正義之化身 無限正義 新增影片

ttiieenn

前言:
大家好 好耐無同大家見面啦. 話說因為我要考中期試 所以有一段時間連機都打唔到 咁就唔好話寫到機評啦. 所以琴日一考完就狂打機放鬆下 而今日就抽空寫個機評咁啦. 今日為大家送上既係無限正義高達(SS) 相信各位朋友都對依架機唔陌生啦~ 因為依架都係唔小人夢寐以求既機體 而小弟好幸運咁有機會係韓服玩左一段時間後 用左好多心血合佢出黎(係銀包既血  而又好幸運咁升到oc5  廢話唔講咁多人 即刻為大家送上我既最新機評
----------我是分隔線----------
講下佢既原作設定先
機體編號:ZGMF-X19A
日文名:インフィニットジャスティス ∞ Justice
中文譯名:無限正義高達
英名譯名:Infinite Justice Gundam
全長:18.90公尺
重量:79.67公噸
機體背景:此機為克萊因派盜用札夫特統合開發局分析X09A與阿斯蘭的戰鬥資料設計而成的基本資料，並交由小行星「工廠」加以改良、強化所完成的。與攻擊自由鋼彈一樣，由於搭載新型核能發動機「Hyper Duetrion」而擁有超越「ZGMF-X09A 正義鋼彈」的數倍戰鬥力。(機身體背景方面轉自遊戲戰紀)
----------我是分隔線----------




----------我是分隔線----------
機體總結:
有人問我 "乜總結唔係最後先出現既咩?" "咁我最前出現又有咩問題先?"

總括黎講 依架真係一架萬能既機 打又得 遊擊又得 走佬都得 得左. (咁短唔會比人打掛(汗
----------我是分隔線----------
(r前)武器設定:0
一武: 光束軍刀
講真 我估現時所有武器中最型既光束軍刀一定係佢. 無疑2把刀插埋一齊真係好型 雖然有幾下揮刀唔係幾型 不過都係好型(踢. 攻擊力係s拳入面係高 而出刀係較快既一類 而攻擊範圍有眼睇啦 2把刀插埋一齊打人個攻擊範圍會細得去邊?

二武: 高能量光束步槍
今次個武器名就改得岩啦. 係拳機入面既光束步槍最高攻又最好射既一定係佢. 雖然開始用果陣係會有d唔上手 因為如果當依支搶係剪機搶又好似唔係幾恰當-.- 因為佢始終係拳機 無可能有剪機出搶同收搶咁快 不過只係比剪搶慢小小 已經係好好架啦. 加上佢攻高 可以話比剪機既搶有過之而無不及. 同埋玩依支野無疑地真係會玩上癮 無計 腦殘既槍邊個唔想玩?

三武: “超級勇士”高能光束炮
無正既亮點之一 而家D拳機幾超視炮一係好似多3 2武果d 射得遠 但係回彈慢同有硬直 不過就高攻. 不過無正r前既3武可以話係一支獨秀 無左硬直同回彈慢既缺點(感覺上真係比多3回得快) 而且攻擊力都似乎唔在多3之下 不過我摸索左依支槍咁耐 只係覺得有四個字既總結: 易學難精 點解呢? 因為依樣武器得2發 不過一打中人就大約有2.5搶2武既攻擊力 不過可以話依支野係超視亦都可以話唔係 點解呢? 因為佢一時時超視到一時時唔得囉-.- 當真奇怪哉也 可是說是高深莫測呢! 其實當你用依樣武器野果陣時就會明白我講咩架啦 真係要親身感受先會體會到依樣武器既神秘.

----------我是分隔線----------
(r後)武器設定
一武: 光束軍刀(2刀流)
話說本人有一日做左個好無聊既測試 就係r前1武高攻d定係r後一武高攻d呢? 有無讀者想估下呢? 想估下既話不妨真係留言講低你既答案等我睇下你岩唔岩啦 如果答中左可以叫我PM你架~ 不過 答中無獎.  好 廢話講完啦  其實無正r後可以話係完全近戰mode 而r前係順利成章就係遊擊mode啦. 而r後一武強大既地方唔係在於佢出刀快 而係佢可以配合到唔同既連技 因為佢收刀真係快到無人有 甩刀都係拳機中數一數二順手的. 所以一武無疑地就係要黎連技架啦 不過點連就要賣個關子先 之後我會詳述

二武: “閃光刃”光束回旋鏢
其實依樣武器無乜野好講 原因係依樣武器主要係用黎連技 因為佢只係得2發 回彈又唔係突別快 所以我只可以講既就係佢係一種會追蹤人既回力鏢 又會減人速既武器.

三武: “獅鷲” 光束刃
無正既亮點之2 依樣武器攻擊次數好清楚咁只係得 3下 禁3下 打3下. 唔似有d抽boost既武器要狂禁或者禁2下佢打到倒地比你睇(迷:劍西._.) 就係因為有依個強大既優點 所以佢先可以做到完美既連技. 佢攻高 抽boost 不過出刀話快唔快 話慢唔慢 真係唔知點講好 同埋佢無格鬥沖 所以用佢黎連技就唔擔心有比人反甩既問題.

----------我是分隔線----------
技能設定:]
技能一: PS裝甲
技能描述:對實彈武器的攻擊，防禦力增加。
無乜野可以講 防豆豆槍 講完.(踢飛
技能二: 反中子干擾EX
技能描述:HP 50%以下時推進燃料無限,鎖敵距離增加,雷達顯示敵軍
杯具技能 官方加個"EX"就可以勁咁多 地圖對於高手顯示敵軍黎講係一樣好重要既野 隋時可以影響戰果 對住死類機體仲大大有利 再加上唔係我方機體既指揮技 唔會打打下無左 所以要好好運用佢 作最大既輸出

ttiieenn

打法;)
----------我是分隔線----------
自問自答a_a

Q: 點解D高手話無正點ex要用索敵距離增加呢?
A: 因為無正R前3武有時可以超視有時唔得 所以要咁增加超視到既機率

Q: 無正應該點配點呢?
A: 3血全防(個人觀點)

Q:無正R前2武有幾多發呢?
A: 大約5-6發

Q:總結黎講 無正易上手嗎?
A:如果你有玩過拳既根低 無正應該唔難上手

Q:無正易合嗎?
A:難合得很!(淚
----------我是分隔線----------
友方機體配置._.
其實無正配咩隊友機都可以配合到 不過同某D機一隊果陣要特別注意:
Type-D
點解呢?: 因為Type-D  過於龜 而無正太龜都係無輸出既(唔係無 而係唔大) 所以盡量係前面格人 而佢就係後面射 而唔係跟住佢要保護佢.
s死神
點解呢?: 同上面岩岩相反 唔可以跟佢一齊沖(如果隻死神係到沖既話) 只要佢係突擊既話 你同佢沖就無咩問題 因為無正血比較小 沖上前被集火既就88 唔似死神雖然血仲小 不過佢可以忍身加上佢一次過可以有秒到人既巨大輸出. 所以無正係前線無疑係一件好危險既事.----------我是分隔線----------

連技的使用
無正既最大亮點 因為無正係射擊方面打D高防既機既話只可以話係幫人R行 所以要用連技對對手作出最大既輸出 雖然我上面話無正做唔到s死可以有秒到人既巨大輸出 不過無正可以做到好大既負面狀態 r後沖埋對手到 3下1武->3武2下->(向後飛)2武2下->(敵人未死既話)即r 3+2狂射 咁樣既話只要佢唔係有強大既血或防都可以同佢講得88
----------我是分隔線----------
相關圖片:



----------我是分隔線----------
本人現時配點

其實我係點錯左既 但係因為唔夠資金 所以改唔到點(淚
----------我是分隔線----------
合成圖:
(感謝Andrew兄提供合成圖)
----------我是分隔線----------
影片分享:

----------我是分隔線----------
本人之前既作品
EW系列:
第一擊:【原創機評】EW系列第一擊 - 和平的重擔 多魯基斯III
第二擊:【原創機評】EW系列第二擊 - 溫拿家族的文章 沙漠高達改(EW)
第三擊:【原創機評】EW系列第三擊 - 無情的暗殺者 地獄死神(EW)
第四擊:【原創機評】EW系列第四擊 - 降不了的龍 雙頭龍高達(EW)

----------我是分隔線----------
後記:
今次係我用左一個比較hea既方式去打依篇野既 唔似之前咁又書面語又成 因為有讀者話睇唔明 所以我就試下咁寫會唔會好d啦. 同埋之前有睇我既機評既朋友都可能覺得我打法係比之前講多左好多 因為有人話我寫得太小wor~ 希望讀者們會中意今次既機評啦 唔好唔記得留個言啊~

ttiieenn

一開就沈...推

♀皇者♂風範☆

支持原創

愛恨交纏

都唔錯呀...我幫你推上去

R-FA

無正R前的1武絕對比R後的1武高攻
普通情況下難以發覺(可能是系數問題)
但某前我用無正分別用R前及R後的刀
刀3防R後開鐵壁的S重炮手
發現R前的刀絕對比R後的更有威力

仲有其實無正R前R後收刀差度相約
在S拳中算慢(說實話 , V2A收刀比他快)
屬重手感型的刀感
(另外R前R後的1武都可以有效攻擊對機體正下方,即爆地)

hahaheheh

有冇打法@_@?

十人竹

支持原創
樓主打得好有心機
下次可唔可以評剪機

ckso98

幫你推下~字海呀(算唔算)

79948994

1.超視炮既正確解釋:lock範圍比射程短,並唔係"有時可以超視有時唔得"
   唔好忘記2技有增加lock範圍效果
2.加點方法並無正確答案,請唔好誤導讀者