試作2号機 GP-02A Physalis (原創) 機評

ttimecrisis4 · 發表於 3-7-2010 13:58:42

本帖最後由 ttimecrisis4 於 21-9-2010 14:00 編輯

看後請回帖 thz~

感想:

都好耐冇發過機評的了....今次都係諗左好耐先決定寫呢~__~ 可以近排太忙啦 =]

本人由港服SD高達正式推出嘅第一日,就玩到現在,可以話係同SD高達一齊經歷過好多野.
好懷念第一日玩SD高達既情況,嗰陣時一部A機難抽到死- -"
有部B巳經開心到死=] 若當時有部AS機更加可以串人的了~_~

而家...差唔多每一個人都齊AS機,AR機更加不說了,BS機也不例外啦 =]
今次講下d舊機,唔係作品既舊,係SD高達既舊...我對喱部機岩岩出時其實冇咩興趣,其一未睇過佢既動畫,又未見過佢既模型,加上個任務都幾難先解到...但見到人地有果時,睇下機體資料...個六圍必殺爆哂,非常驚訝,技能上又有反格鬥.雖然反格技唔係咁出奇,但附上起剪機上真係非常出奇,又有技一既大幅增加推動燃料,真係非常獨特呢..

機體介紹:

本機為聯邦GP計劃第2機，做為重裝甲/重武裝的強襲攻擊型機動戰士製造的。後被聯邦修改成戰術核彈搭載機。除去裝備核彈火箭筒之外，就只剩下頭部火神炮2門，及光束軍刀2把。但是在“所羅門的噩夢”卡多的操縱下，發揮出了超乎一般、壓倒性的戰鬥能力。本機曾在聯邦軍宇宙艦隊的觀艦儀式上實施核打擊。造成一擊毀滅聯邦軍宇宙艦隊的2/3戰力的戰果。最終，本機與GP01Fb同歸於盡。酸漿果花語為虛偽。

有關圖片:

武器介紹:

1武:光束軍刀-普通的剪機一樣,4刀倒地,出刀速度同收刀速度都唔快,同一般剪機一樣
2武:火神炮-射程中近,彈藥頗多,回彈快,—次性回彈,攻擊力低....
3武:盾牌撞擊-射程最近,彈藥一發,擊中敵人會立刻倒地,自身的硬直效果效明顯

屬性上睇係剪機,但武器上睇似拳機多d,我覺得大概應該都係偽拳機了...
先睇下一武,光束軍刀,刀唔長攻擊力都唔算好高,大多都係1,3咁用先會有強大既攻擊力,但如果想咁樣做通常都係開左技一先會咁做,若果唔係就同剪機玩1武一樣,唔可以發揮100%既威力了.大多係因為boost非常不足,同想殺到埋身既拳機搏一搏都巳經好難了,若果再安全d既話可以開埋技二先,咁樣就絕對安全的了,,

二武的確算係最常用既武器了,一開始想開技其實都係靠佢,可以射擊冇wz既bb彈咁遠,仲近過神高既bb彈,不過好既係佢比正統既火神炮遠少少...攻擊力都係非常低,彈藥都唔算多,因攻擊力低既關系所以開技都比較難,仲有要行到前方先有機會開技,因為二武屬中近射程武器,所以一開始既佢真係非常要小心咁,若果唔係可以未開技一巳經比人打到死死下咁..二武對一開始既GP02A真係非常重要的武器

三武真係第一次見剪機先會有既一擊倒地既近距離武器- -' 攻擊力非常高,可惜彈藥得一發,攻擊範圍亦都好小,回彈都好慢,大多同一武一齊用,會心包機真係非常之正,同級包機會心扣起碼一半血,真係非常猛,不過,千祈唔好同多魯基斯3一樣咁用法,始終三武既攻擊範圍非常之小...差d唔記得提,三武既硬直非常大,若擊空既話而敵人又起附近,真係非常sad,同槍靶冇咩分別的了.所以,三武大多連一武運用,咁樣既攻擊力係最大,而破綻亦都係最少,擊空機會亦都非常少.

就咁睇佢三款武器真係唔可以當剪機咁玩,技能上擺明叫你要當拳機玩了,不過,唔好忘記二武係中近距離武器...大多一開始會用二武借SP,不過千祈唔好單人上前,如果比拳機見到就變左人地點心啦...最好近住拳機後dd,當隊友同敵人混戰時就用二武起中近距離借SP,相信技一好快會開,咁樣對自機既生存能力都非常大,走位都非常有幫助,同時都助長左GP 02A玩一武既機會啦.另外,有必殺既話就唔使留,不過最好唔好打失,如果唔係真係好曬野,因為,大多玩死亡戰鬥通常都只係儲到1-2個必殺,加上GP 02A既強大之處就係必殺,中左既人真係要祈禱了...哈哈！

技能介紹:

附加燃料槽-持續推動時間大幅上升

近戰防禦強化-體力在75%以下對近距離武器防禦會增加+使用格鬥反擊

開左技一後既推進燃料真係非常之多,有A拳既推動時間.另外,推進時間對剪機一向都非常有幫助,對走位,拉打等動作都有用(拉打動作對GP 02A暫時起唔到作用,不過走位上就真的有幫助),開技後若比拳機圍打都夠boost走人,生存能力大增,加上有三命,可以玩好耐...

技二的確係為佢既武器而設,真係未見過會有剪機都可以有喱種技- -'    開技後更加唔怕同拳機搏命,加上開技後敵人唔會知你開左技(TAB唔計),所以通常你同敵人一武佢都會好快同你一武,咁樣就算你比人打中先都唔使中哂成套拳,可以立即反佢,加上近戰防禦力上升,比人打中果下都唔會好痛...不過,我玩左部機咁耐就算開左技成日都唔記得自已可以反格,比拳機打果陣時都係狂走- -'    可能玩得多剪機呢~__~

技能上真係唔錯,剪機加上技一同技二差唔多可以話最強的了,不過一武既攻擊力始終都低,三武硬直都係非常明顯,所以開技後都要小心點.技一同技二對於武器上同拳機冇分別既GP 02A的確有幫助,起碼可以令到佢既一武同三武大幅發揮,可以當拳同剪機玩的了,不過,開技後唔好只記得有一同三武,二武依然都係非常有用既武器呢,當唔夠拳機追打時唔好同佢追了,二武幫到手 =)

強化點建議:

喱部其實好難配點,但我特裝3點加哂血,之後全攻上,因為我想部機既二武大大提升威力,所以全攻上...但我覺得加機動力都唔錯,因為GP 02A始終係偽拳機,加機動一定會有幫助,另外,又因為三武既強大硬直,所以加機動都唔覺得會係加錯點...另外,血量方面偏低,特裝3點血應該都唔錯....有朋友建議全防上,不過,我覺得加防好似對部機冇咩影響~__~    始終有3命,無謂曬點升防啦.....我想大估都這樣吧....其實,自已覺得最適合既配點先最正確.....建議只係比你作參考 = ]

合成圖:

絕對唔難合,一部GP 01就得,其他C機就唔使理啦....不過,張圖暫時只有做任先有,唔小心解左既朋友惟有等9u出番,到時再買了~__~    另外,部機可以合大螳螂,相信好多人都會合喱部機...

spp020105 · 發表於 3-7-2010 14:08:56

支持樓主=)

lok19820 · 發表於 3-7-2010 14:09:31

部機唔差,只合玩格鬥人士專用

john456 · 發表於 3-7-2010 14:12:57

本帖最後由 john456 於 3-7-2010 14:14 編輯

你講解技能2果段係咪最後果句打錯字- -
可以玩得多剪機呢~__~
句野好似怪怪地

樓主本身係咪想打"可能玩得多剪機呢~__~ "

ttimecrisis4 · 發表於 3-7-2010 14:15:28

你講解技能2果段係咪最後果句打錯字- -
可以玩得多剪機呢~__~
句野好似怪怪地

樓主本身係咪想打"可能 ...
john456 發表於 3-7-2010 14:12

漏左個"能" 字...

gordonl9706 · 發表於 3-7-2010 14:21:15

支持ar,可惜 e部野得sp同技2勁= =

qwe26401419 · 發表於 3-7-2010 14:24:52

1武收刀好似可以5下(好耐之前幾鐘意....唔太記得係唔係)

mingxd · 發表於 3-7-2010 14:30:35

十卜.
部野裝左覺醒開sp既話真係好sm-_-

miles123 · 發表於 3-7-2010 14:31:57

支持你```機評打得唔錯~^^

廢blood · 發表於 3-7-2010 15:08:56

支持~
部野我只喜歡爆大=~=

帳號		自動登錄	找回密碼
密碼			註冊

[機評攻略] 試作2号機 GP-02A Physalis (原創) 機評

評分