JOEY

hyuuga

我重以為妳果個年齡層會好 buy 哩 D 打字法 tim！
我都覺得好核凸。妳話電話到 send message 因為有字限，所以咁做都情有可原，平時真係要戒。
不過最驚睇到 D 人打埋 D："禾巧令"！
更衰既係最會歧視講廣東話有響音既人，就偏偏係最常咁打字！
話時話，我之所以打"果個"，咪就係因為無(口個)字，如果用"個個"又可以變成另一個意思，如：「個個人」。
咁打真係唔知我講緊一個人定每個人呢！
妳點打到個"乸"字？
等我試下係咪新 version 先至有。

Install window 7 前backup 好所有野安全啊！

有遠行，一月中重見到妳時再傾過。

Merry Christmas and Happy New Year.

hyuuga

小妹妹轉左 Reborn bor！
後期唔知搞乜變成係咁打，無再睇了！

會鐘意"禾巧令"哩類打法既人，大概只得會咁打字，同埋 D 絕對宅男先會吧！

唔係為左歧視人而咁打，只係通常會咁打字既人，大多數都係好無知，好睇唔起人既人。不過偏偏佢地就覺得咁樣講野會好可愛囉！

紅色字好多人都睇唔到的。
我就係因為以前用紅字，點知對方睇唔到，變哂亂碼，所以就無再用了！

小妹妹，重有成個幾月先農曆新年，而更重要既，係我重未結婚。
問妳兄長阿嫂啦！

hyuuga

妳應該錯了！
動畫因為會快過漫畫，所以不但只唔會 cut 內容，反而會作多好多漫畫無既故事黎等漫畫既進展的。
而哩 D 原創既故事，往往都會好易同原作出現矛盾既地方，最佳例子就係《龍珠》喇！
點解我會話"應該"呢？
因為自從佢失驚無神玩去到未來，重係咁打之後，我覺得佢變成為左打而打，唔再好睇，所以無再睇了！
動畫係點，我完全唔知呢！
用 One Piece 做簽名，就以 One Piece 為例吧！
如果妳有留意，應該會發現有時有 D 故事係畫得靚好多，有時就好差。
漫畫有既唔一定畫得靚，不過動畫到靚既，一定係原作漫畫到有既。
路飛一班人幫比比回國打鱷魚時，咪有段橫渡沙漠既？
果 part 勁無聊又畫得差既就係老作出黎拖時間。
之後真係打鱷魚∕上天打神時，都係明顯靚好多。

我以前就係樂古紅字唔得，不過我相信係睇下果個人部機既 setting 睇唔睇到吧！

妳阿哥入落妳媽個戶口既話，新年向妳阿媽逗利是時，問埋妳阿哥份囉！
再唔係叫佢寄過黎，哈哈！

當然係 US 賺得多啦！
不過讀書時 D 阿 sir 都講到明，80%以上既人係以人士關系入行既，不過人士關系我無。
最慘係 entry level 既工可以話係無！
就算有都係其他國家，所以去唔到。
所以到依家都只係搵到 free lance 做。
Style 都係個問題。

差 D 唔記得，
唔該哂！ Thank you!

上網唔知咩事好慢，聽日先再試果兩條 links。

hyuuga

3分鐘咪少囉！
One Piece 動畫我睇到天空掉苦落黎之後就無睇，當時都已經有兩集係回顧啦！
唔計一開始就唔跟原著果 D，
龍珠絕對係加到鬼五馬六既表表姐！

One Piece 畫左都超過十年，妳兩個禮拜就殺左佢唔知幾多年了！
所以妳話動畫係快幾多！

有既話絕對係好得多囉！
我以為妳唔敢問，最後點樣問？

hyuuga

re.hyuuga
=.=...但佢集集都回顧3-6mins? 太誇了吧
哦-_-..龍珠唔係我時年代A__A
哈哈.係囉..但漫畫仲快啦.3日ko
-_-呀媽都話叫我大個叫呀哥幫手.但我驚
我問啊嫂-.-因為佢識睇中文.將你句野成句copy比佢

re.bee
頭 ...
Janelle`:3 發表於 14-1-2010 06:13

震唔震我覺得唔關係咪高手事，最主要係落筆果下有無信心另外就係當時既姿勢都會有影響。
阿 BEE 應該係話佢要整再set 英文字體，不過要"界"出黎就有點費解喇！

集集3-6 分鐘，果然好識拖時間呢！
不過動作動畫就要好需要拖，因為漫畫一期十幾頁，係動畫時間可能只係得十幾十甚至係幾秒。

One Piece 最新 N 期既單行本借哂俾人，所以我都唔肯定有幾多期。
不過50幾期妳三日 KO 哂，係妳真係睇得咁快丫？定係妳真係無做其他野？

都未知妳會向邊個方向發展，幫乜鬼手！
一陣妳讀 D 同妳阿哥所做既野完全無關既科目，想幫都幫唔到。
反正妳重有排，到時先算把啦！

但係妳阿哥用英文回妳呢！

hyuuga

咁要問清楚果位阿 BEE 兄啦！
如果佢出現既話。

睇果個當然係咁想啦！

One Piece 既話，漫畫都係由頭開始睇較好。
漫畫到有樣野同其他漫畫好唔同，佢會係第一頁版頭位到畫 D side story。
通常都係講之前既故事既角色既去向等等。
當中好多都影響埋主線故事既發展。
到我停左無睇動畫時為止，唯一將哩 D 版頭短篇變成動畫既就只得小丑巴基個冒險。
其他有影響主線既，都無見過了！

重新睇咩都好，好多時都會有好多之前無發現既野，都幾有樂趣的。

讀咩野校都好，識既人都係向唔同行業到發展架啦！
我意思係話要幫手都係7、8年後既事，到時咩世界無人知，咁早就話幫手無意義姐！

有好多野都係越學、越做就越快，越好。
當然，再快極都係會有一定限制啦！
以妳張 One Piece 為例，
如果有人話佢可以由無到完成到哩幅圖咁只係用三個鐘，
信佢果個都白痴啦！

小妹妹開學了或快開學了吧？
學業進步啦！

hyuuga

可能唔知幾時插入好掛！
不過我相信動畫一定會整埋各人被熊彈去唔同地方既制遇，話哂都係主要角色嘛！

妳可能唔知，係香港甚至係日本，都有漫畫家係出名慢的。
畫家畫得慢唔奇，不過漫畫係連載既，慢既係生存唔到的。
不過香港有位司徒劍橋，佢最出名，同最令行內行外人所熟識既，就係慢。
不過要比，香港有位劉雲傑，佢本《Feel 100%》後半係以"年"為單位黎出版的。
不過正所謂人上有人，係日本，有套像作品叫《五星物語》。
對上一次出已經係十幾年既事，套漫畫佢重盡緊，未完的呢！
不過，佢地係異數，一般人一早已經無飯開，餓死左吧！

就 exam？咁快？加拿大既制度唔同吧？

我？我畢左業一段時間架啦！

hyuuga

咁要睇下個故事會點發展了！
或者打打下，唔知點樣成班人黎到幫手。
講起 One Piece，佢有套電影將會上影。
今次套電影特別之處係個故事真係原作者，尾田榮一郎作，而且同漫畫本身有關。
佢重畫埋個序章出黎，當日提及點解路飛阿爺，加普只係做中將。

我都想知佢地點生存！

香港係一月第二個禮拜返番學，一返學唔記得幾時就係考試了！
美國係放聖誕之前完左個 sem，所以放完假之後只係開學，未有咁快有試考。

做緊份同 animation 無關既 part time。
另外做過3份 animation free lance，不過 full time 既 animation 工就重搵緊。

hyuuga

假設佢地真係會出現既話，反而奈美先係佢地出到現既原因吧！我諗。
空島駁空島，點都易過同快過係海到掛？
又或者係索柏果邊隻大鳥都係有可能性。
之前果D都唔係原作者諗出黎既，所以基本上可以當同原作無關既故事黎睇。
今輯劇場版好唔同，唔只人設，連故事都係原作者度出黎，漫畫都畫埋，所以係同原作直接連繫住的。

如果我唔懮柴懮米既話，我咪生存到囉！

放假前考哂就唔駛怕之後唔記得，而且可以放心咁去玩。
加拿大同香港既制度應該係幾接近，甚至一樣吧？
聖誕 > 考試 > 農曆年

我位 part time 係對 animation 零幫助的。
就算話係同唔同既人相處哩點都無幫助，因為我不嬲都無哩方面既問題。

係架！
不過哩樣係我所學之餘，最重要係真係有興趣，如果唔係都唔會讀 art school 啦！貪佢特別貴咩！
所以好難放棄的。
唔係要顧及好多野既話，我諗我一早就返左香港到試下了！

hyuuga

好耐無見，完來係應付考試！

我比上不足，比下有餘。

應該唔關妳幾年級事。
最主要都係睇下妳本身係屬於邊種學集類型吧！
一般黎講，只要上堂時留心 D，咁大多數野其實都已經係腦裡面，特別係一 D 自己鐘意既學科。

都唔係是但的，因為時間比妳想象中過得快。

妳咁既諗法，係妳哩代人特別多呢！
有邊一樣野，當要正正式式學習時會唔幸苦，唔受挫折？
不過妳係咪家長逼得娜辛苦果 D我就唔知了！

朋友哩 D，唔係到時上上下堂就自然會識既咩？
我哩 D 好少會同陌生人講野既人都會識到人，我諗妳唔係果 D 現實生活唔敢講野，甚至怕面對人既人掛？